Traditionelles schwäbisches Volkslied
Quellen
(siehe
Legende): Bau: S. 19 (Walzerlied C-Dur)
Auf'm Wase graset d'Hase und im Wasser gambet d'Fisch; lieber will i gar koi Schätzle, als no so en Federwisch, lieber will i gar koi Schätzle, als no so en Federwisch.
Muetter, muscht mer, schlah me's Blechle, Türleshosa macha lau', dass i au so Türleshosa wie der Herr Professor hau', dass i au so Türleshosa wie der Herr Professor hau'.
Gang mer weg mit Sametschühla, gang mer weg mit Bändela! Baura-Mädla sind mer liaber als so Kaffeebembela. Baura-Mädla sind mer liaber als so Kaffeebembela.
Wo’n i hau no kratzt und bissa, hot mi wölla koina küssa; seit i nimme kratz und beiß, krieg i Küssla dutzendweis, seit i nimme kratz und beiß, krieg i Küssla dutzendweis.
Kleine Kügela muß mer gießa, wenn ma Vögela schießa will; , schöne Mädla muss mer lieba, wenn mer schöne Weiber will, schöne Mädla muss mer lieba, wenn mer schöne Weiber will.
Wo’n i hau‘ mei Schätzle gnomma hot mei Muetter grausig tau´, hot mi bei de Aura gnomma, d´ Stiega abe fliege lau, hot mi bei de Aura gnomma, d´ Stiega abe fliege lau.
Sag du no zu meiner Schwieger, sui soll mi passiera lau´, i werd´ schau‘ mei Schatz versorga, sell werd sui en Dreck a gau, i werd´ schau‘ mei Schatz versorga, sell werd sui en Dreck a gau.
Hinter meiner Schwiegermuetter, ihrem graußa Himmelbett stoht a ganzer Sack voll Sechser, wen i no die Sechser hätt! Stoht a ganzer Sack voll Sechser, wen i no die Sechser hätt!
Hinter meinem Schwiegervatter, seinem graußa Sekretär stoht a dicker Oichaknippel, wenn den no der Deifel hett, stoht a dicker Oichaknippel, wenn den no der Deifel hett.
Wo-n-i hau ens Tischtuach g'schnitza, het mei Muetter grausig tau! Saubua, hosch denn gar kion Oschtand, kosch de Rotz net hanga lau, hosch denn gar kion Oschtand, kosch de Rotz net hanga lau.
Erstellt
am 17. März 2026